Fondo Europeo de Desarrollo Regional (FEDER)

Unha maneira de facer Europa

Liña de actuación 13

CONCILIA LALÍN

Programa integrador de conciliación a nivel local para dotar ás familias dunha contorna de seguridade no coidado dos fillos e fillas.

NECESIDADES

As necesidades que aborda esta acción para atopar unha solución son:

A fragmentación da oferta de servizos de conciliación.
O acceso desigual das familias á oferta de servizos de conciliación (en cantidade, variedade e calidade), xa que o 29% das familias lalinenses manifestan ter problemas para pagar os devanditos servizos.
A fragmentación social entre familias, derivada do acceso desigual aos servizos de conciliación; e a fragmentación social entre nenos e nenas, derivadas do acceso desigual ao desenvolvemento educativo.
Barreiras de acceso ao mercado laboral (especialmente) das nais en idade de traballar con menores ingresos, como consecuencia das dificultades para acceder a un servizo de conciliación asequible.

OBXECTIVOS

A finalidade desta operación é ofrecer un programa integrador de conciliación no ámbito local que proporcione ás familias un ambiente seguro no coidado dos seus fillos e fillas; un programa centrado na conciliación da vida laboral e familiar y laboral.
Así, durante os períodos lectivos do curso escolar, o programa desenvolverase en distintos centros educativos que imparten ensinanzas de Educación Infantil e Primaria, e centralizarase nos períodos vacacionais (Nadal, Entroido, Semana Santa e vacacións de verán).
O servizo de conciliación nos centros educativos ten por obxecto a realización de actividades de acollida, atención e lecer nas horas previas e posteriores á xornada lectiva dos días lectivos. Este servizo inclúe as funcións de atención, coidado e garda do alumnado nas instalacións no horario establecido, así como a adecuada atención educativa aos nenos e ás nenas de entre 3 e 12 anos matriculados no centro educativo de referencia, de acordo co coa normativa aplicable.
Prevese un desconto do 100% do prezo público para os menores en unidades familiares cuxa renda per cápita mensual non supere o 125% da contía mensual do IPREM vixente, máis un incremento do 15% por cada membro adicional a partir do primeiro.
Ademais do citado, proponse a creación dun Espazo de Conciliación situado no barrio Manuel Rivero, concretamente, nos números 1 e 3 da rúa Manuel Rivero, no marco dunha nova infraestructura consistente na rehabilitación destes dous edificios para dar cabida, entre outros usos, a este Espazo de Conciliación.

RESULTADOS

A actuación fará que o Concello de Lalín consiga:

Mellora da igualdade de oportunidades dos membros das unidades familiares de Lalín no acceso ao emprego.
Mellora da inclusión social, especialmente das mulleres nais.
Mellora da igualdade de oportunidades dos nenos e das nenas de Lalín no acceso a actividades recreativas e contidos educativos que non formen parte do currículo escolar.